:: TVU ::

அண்ணன்மார் சுவாமி கதை

297

பொந்திக் கடுக்கனிட்டு பொன்னெடுத்தும் பாகுகட்டி
தும்பி பதக்கமிட்டு துத்துத் துராய் மிகப்பதிந்து
தங்கத்தினாலிழைத்த சருகு நிசாரு தொட்டு
அள்ளிக் கயிறெடுத்து அலங்காரமாய்ப் பூட்டியேதான்
வண்ணக்கச்சை தானெடுத்து வகையாய் வரிந்துகட்டி

வகையாய் வரிந்துகட்டி வலப்புறம் சுங்கம்விட்டு பறக்கவிட்டு பாங்காகக் கச்சைகட்டி
எண்ணெய்க்கச்சை இடுப்பில்கட்டி இடதுபுறம் சுங்கம்விட்டு பட்டுக்குஞ்சம்
ஒட்டியாணம் பூட்டெடுத்து இடையில் பதித்து அப்போ
வாங்குபிடி சூரி வளைதடியும் சக்கரமும்
சுருட்டு முத்துப்பட்டா சூரவாள் கேடயமும்
ஈட்டிக் கோல் வல்லையமும் எரியீட்டி நேரிசமும்
சம்பு கத்தி சமுதாடு சமுக்குலா பட்டாவும்
பதினெட்டு ஆயுதமும் பாங்காய் வரிந்துகட்டி
பத்துக்கட்டி போட்டடித்த பாரமான கேடயமும்

பாரமான கேடயத்தை பாங்குடனே மேல்சூட்டி
எட்டுக்கட்டி போட்டடித்த இரணங்கண்ட மந்திரவாள்
இரணங்கண்ட மந்திரவாள் இதமாய் வரிந்துகட்டி
தூக்கும் பரிசையோட நிலம் தூத்துவரும் சல்லிகளும்
பதினெட்டு ஆயுதமும் அண்ணர் இருவரும் பாங்காகத் தானெடுத்து

அண்ணரிருவரும் அலங்காரமாய்ச்சிலம்பக்கூடம்
கரடிக்கூடந்தனில் கீர்த்திபெற இணைசிலம்பம்
பொதுகிறபோது பொன்னருமே சொல்லுகிறார்

அண்ணர் இருவரும் சிலம்பம்
பொருதி விளையாடுதல்

அடா வாள்வீரா தம்பிசங்கு நான் வார்த்தைசொல்லக் கேளுமடா
நாமே விடுதிவிட்டு நலமாகப் போறபோது