என்ன இருக்க நீ என்ன மொழி சொன்னீரய்யா
அவர் கள்ளர் படையுமல்ல கருமறத்தாருமல்ல
மன்னர் படையுமல்ல மறுமன்னர் தானுமல்ல
ஏழை வெள்ளாளன் பயலை எனைப்போயழைத்துவர
சொல்கிறது ஞாயமல்ல சுவாமி மகாராஜா
என்று குமாரன் சொல்ல ஏது சொல்வார் ராஜாவும்
கள்ளர் படையுமவர் கருமறத்தாரும் அவர்
அவரை அழைக்க நீயேதான் போகிறாயா நானேதான் போகட்டுமா
என்றுமே ராஜர் சொல்ல ஏது சொல்வார் குமாரனவர்
|
புள்ளி சிவசோழர் வளநாடு வருதல்
|
நான் போய் அழைத்துக்கொண்டு நலமுடனே தான்வருவேன்
அப்போது சோழராஜர் அவர் மகனைத் தான் பார்த்து
அறிக்கையுள்ள புரவி அதனைப்பிடித்து வந்து
நாலுகால் வெண்மை நடையில் அலங்காரம்
அலங்காரம் தானும் செய்து அதன் மேலே சீனிவைத்து
கல்லணையும் கட்டியேதான் கடிவாளமே பூட்டி
சிவசோழ ராஜா புரவிக்கு திருமந்திரம் ஜெபித்து
என் மகனைக் கொண்டு நீ எகிறிக் குதிக்காதே
கடலைக்குதியாதே கருமலையைத் தாண்டாதே
விண்ணைக் கடவாதே என்மகனைக்கொண்டு வேகமாய்ப்பறக்காதே
பொறுமைய தாகவேதான் பொன்னரிடம் நீயும்போய்
திரும்பி வா வென்று குதிரை செவியிலே தானுஞ்சொல்லி
கட்டமுது கட்டி வைத்து குமாரனை கடுகி அனுப்பிவைத்தார்
வளநாடு திசை நாடி புரவி வருகுதே பாய்ந்துமப்போ
கோநாடு திசை நாடி புரவி வருகிறதே அப்போது
போதாவூர் வழியாக சோழர் புரவி வருகையிலே |