ஓமம் வளர்த்துகிறாள் பொன்னருடன் பிறந்த உத்தமியாள் நல்லதங்கம்
ஓமப்புகை தணலும் உத்தமி வளர்க்கிறது ஓங்கிவளருதப்போ
மண்ணுக்கும் விண்ணுக்கும் அது மழைக்கால் விழுந்தாப்போல
கம்முது மேகமெங்கும் கருக்குது வான மெங்கும்
அதிருது லோகமெங்கும் அண்டமெங்கும் ஊடுருவ
ஓமப்புகை வளர்த்து உலகமெங்கும் தான் மறைக்க
உயர்ந்த பருவதம் போல் ஓமம் ஓங்கிக் கொழுந்துவிட
ஓமம் வளர்த்தாளே உத்தமி உலகமெங்கும் கம்மும்படி
ஓங்கி வளர்ந்து எமலோகம் பரலோகம் ஒன்றாக நிற்குதது
தெய்வலோக மெல்லாம் திசைகெட்டு மெய்மறந்து
ஒருவர் முகம் ஒருவருக்கு ஒன்றுந்தெரியாமல்
சிந்தை கெட்டு மெய்மறந்து தெய்வசபை குலைந்து
ஆதிசிவன் மாயவரும் அன்பான தேவர்களும்
இந்த அதிசயத்தை ஏதென்று நாமறிவோம்
நாலு உலகம் தானறியும் நாரதரைத் தானழைத்து
ஏது புதுமையென்று ஈஸ்வரனார் தான் கேட்க
அப்போது நாரதரும் ஆராய்ந்து தான் பார்த்து
அதிசயங்கள் ஒன்றுமில்லை அரனாரே நீர் கேளும்
கம்மல் விழுகிறதும் கருக்கல் வந்து கட்டுகிறதும்
புனல்கள் கவிகிறதும் புகைச்சல் வந்து மூடுகிறதும்
பூலோகம் தன்னில் புகழ் பெரிய காராளன்
நெல்லி வளநாடு நெற்சூழ்ந்த கோனாடு
சிற்றாளைப்பட்டிணத்தில் சேர்ந்த நெல்லி வளநாட்டில்
குன்றுடையா னென்றொருவன் குலக்கொழுந்து காராளன்
வளநாட்டுக் காராளன் மைந்தனில்லை யென்று சொல்லி
பொன்னம்பலத்தில் அவன் பேரு பெற்று வந்தவனும்
வயது பதினாறாய் வாங்கி வந்தான் இரண்டு மைந்தர் | | |
|
|