ஐவரும்சேர நின்றுஇவர்கள் அர்ச்சனையும் செய்கையிலே
ஐவரும்சேர நின்றுசுவாமியை அடிவணங்கி நிற்கையிலே
அப்போ ஆதிபரமேஸ்வரனார் ஆயனைத்தானினைந்து
மாயனைத் தானினைந்து மகாதேவர் சொல்லுகிறார்
குன்றுடையாகக் கவுண்டனொடு பெரிய நாச்சி குழந்தை வரங்கேட்கையிலே
பஞ்சவர்கள் ஐவரையும் பாலன்வரம் பாக்கியம் தந்தோமே
பதினாறு வயதுக்கு பஞ்சவர்கள் பாருலகம் ஆண்டிருந்தார்
அவர்களுக்கு வயது முடிந்திட்டுது வார கெடுவாச்சு
சித்தம் திரும்பி பரமேஸ்வரனார் திருவாக்குச் செய்தபின்பு
பஞ்சவர்சகாயன் சுவாமி பாருலகை அளந்தவர்தான்
ஓரடியாய் புவியளந்த உலகளந்த மாயவர்தான்
பாருலகில் மன்னரை பஞ்சவர்கள் ஐவரையும்
சிலைவீரரைவரையும் சுவாமி சிவலோகம் சேர்க்கவேதான்
சிலைவளைத்து வில்லெடுத்து சுவாமி செகந்தனிலே ஊன்றி வைத்தார்
| ஐவரும் வைகுந்தம் சேருதல்
| மாயனுட அட்சரந்தான் அது மழைக்கால் விழுந்தாப் போல்
பொன்னுலகம் பூலோகத்துக்கும் ஒரு பொன்சுடராய் வந்திறங்கி
ரகுராமர் அட்சரந்தான் ஒரு ஆணிப் பொன்னேணியுமாய்
பொன்னேணி பொன்படியாம் ஒரு பொன் சுடராய்வந்திறங்கும்
ஸ்ரீராமர் அட்சரந்தான் ஒரு சுடர்வழியாய் வந்திறங்கி
கைலாசமாம் வீரமலைக்கும் மாயனுட காரணத்தால் வந்திறங்கி
ஐவரும் சேர்ந்து பொன்னுலகம் அப்போது வாரார்கள்
அப்போ வைகுந்த நாதருமே ஐவரையும் வைகுந்தம் சேரவென்று | | |
|
|