விறகு வெட்டி அறுசீர்விருத்தம் மனிதரின் நிலைமை கண்டு
மனத்தினில் கவலை கொண்டு
தனியிடம் சென்றேன் ஓர்நாள்;
`தடியனே மூடா!’ என்று
முனியனை அடித்துக் கையை
முறுக்கியே இழுத்துச் சென்றார்.
`இனிஎனை அடிக்க வேண்டாம்
இமைப்பினில் இறப்பேன் ஐயோ!’ என்றவன் குரலைக் கேட்டேன்
இடிந்ததென் உள்ளம் ஆங்கே;
கொன்றிடும் கூட்டத் தோடும்
கோட்டையுள் நுழைந்தேன்; நீதி
மன்றினில் தலைமை தாங்கும்
மனிதரும் வினவ, ஓய்ந்து
குன்றிய உயிரைத் தாங்கும்
கூலியும் வாய்தி றந்தான் `இரண்டுநாள் உண்டே னில்லை,
இருமலால் துடித்தாள் பெண்டு;
சுருண்டன பிள்ளை எல்லாம்
சோற்றுநீர் இன்மை யாலே,
இரந்துயிர் வாழ்வ தற்கும்
என்மனம் இடந்த ராமல்
விரைந்துநான் விறகு வெட்ட
வெளிப்புறக் காட்டில் சென்றேன் |