| 108 | கவியரசர் முடியரசன் படைப்புகள் - 1 |
காய்ந்தஓர் மரத்தில் ஏறிக்
கடிதினில் வெட்டும் போழ்து
தேய்ந்தஎன் உள்ளம் நோவத்
திட்டினார்; இறங்கி வந்தேன்;
ஓய்ந்தஎன் உடலில் குச்சி
ஒடிந்திட அடித்தார்; கீழே
சாய்ந்தபின் நடந்த தேதும்
சற்றுமே அறியேன்’ என்றான் `மற்றவர் காட்டிற் சென்று
மரத்தினை வெட்டி னேனென்
றுற்றதை உரைத்தாய்! சிறையில்
ஒன்றரை மாதம் தங்கு!
மற்றது மறுத்தா யாகில்
மரத்தினில் விறகு வெட்டி
விற்றதில் ஐந்து ரூபா
வைத்திடு வெளியில் செல்வாய்!’ என்றனர் அறத்தைக் காப்போர்;
இடிதலை வீழ்ந்த தென்ன
நின்றனன்; நிமிர்ந்து கண்ணில்
நீரினைச் சொரிந்தான்; `ஐயோ!’
என்றனன், `ஏழை காசுக்
கெவ்விடம் செல்வேன்; என்னைக்
கொன்றிடல் நன்றாம்; ஈசன்
கொடுத்ததிவ் விதியோ?’ என்றான் விதிவிதி என்று மக்கள்
வீணினில் மாய்ந்து, சூழ்ச்சிச்
சதியினில் சிக்கி அந்தோ!
சாய்ந்திடும் நிலைமை கண்டும்
மதியொரு சிறிது மின்றி
மாற்றிட மனமு மின்றி
வதிவது நன்றோ? நாட்டீர்!
வளமிகக் காண்போம் வாரீர். 7 (ஊர்ப்புறத்தே ஒரு மரத்தில் விறகு வெட்டிக் கொண்டிருந்த ஒருவனை அடித்துத் துன்புறுத்திய கொடுமையைக் கண்டு மனம் நொந்து பாடிய பாடல்.) |