| 68 | கவியரசர் முடியரசன் படைப்புகள் - 1 |
3. காதல் உலகம் காதல் நெஞ்சம் நேரிசை வெண்பா அவன் :- கொல்லும் விழியுடையாய்!
கொவ்வைக் கனியிதழாய்!
அல்லும் பகலுமுன்
அன்புபெற - அல்லற்
படுமென்னை உள்ளத்தாற்
பாராயோ? ஆவி
சுடுதுயரைத் தீராயோ?
சொல்! உள்ளப் பெருநிலத்தில்
ஓங்கிப் படர்வகையில்
அள்ளித் தெளித்துவிட்டாய்
அன்புவிதை - கிள்ளிப்
பறித்தெறியப் பாடுபட்டேன்
பாழாயிற் றே!என்
குறிக்கோளாய் வாழ்வாயோ
கூறு! நண்பர் பலசொன்னார்;
நான்மறக்க ஒல்லுவதோ?
கண்ணுள் மணியாய்க்
கலந்துவிட்டாய்! - பண்ணும்
பனுவலுமென் றாகிவிட்டாய்!
பாவிஎனைச் சேர
மனமிலையோ? சொல்லிடுவாய்
மற்று. |