அவள் :- படுப்பேன், புரள்வேன், பின்
பஞ்சணையில் கண்ணீர்
விடுப்பேன், எழுந்திருந்து
வீழ்வேன்;- தொடுக்குமுயிர்
தாங்கவழி யானறியேன்;
தையலெனைச் சார்துயரும்
ஓங்கிவளர் கின்ற
துயர்ந்து. அத்தான்! உமதுயிரை
ஆட்கொண்ட நானினிமேற்
செத்தால் நலமென்று
சிந்தித்தேன்;- பித்தாய்த்
திரிவீரே என்றெண்ணிப்
பேசா திருந்தேன்;
அறியீரோ என்உண்மை
அன்பு? பெற்றார் தடையுண்டு;
பின்பிறந்தார் நால்வருண்டு;
உற்றார் பலருண்டே
உண்மையிது - முற்றாமல்
காதல் கருகிவிடும்
காலந்தான் வந்திடுமோ
சாதல் உறுநிலையைத்
தந்து! இருவரும் :- காணச் சகியாரோ
காதலரை ஒன்றாக்கிப்
பேணத் தெரியாரோ
பேருலகில் - கோணற்
சிறுமதிகள் தீயாவோ
தீராத காதல்
நறவுண்டு நாம்மகிழ
நன்கு. 7 (உண்மை நிகழ்ச்சியை அடிப்படையாகக் கொண்டு உருப் பெற்றவை இப்பாடல்கள்.) |