| பாடுங்குயில் (பாடல்கள்) | 121 |
3
தலைமை வகிப்போம் சுரண்டலும் பதுக்கலும் ஒழிப்போம் - அதற்குத்
துணைவரும் பகைதனை அழிப்போம்
இரண்டிலும் பிழைப்பவர்ப் பழிப்போம் - அவர்க்கே
இனியொரு விதிமுறை விதிப்போம் மனிதனை உழைப்பினை மதிப்போம் - கொடிய
வறுமையை இடரினை மிதிப்போம்
இனியநல் லுலகினைப் படைப்போம் - அங்கே
எதிர்வரும் தடைகளை உடைப்போம் உடையவர் எளியவர் இருப்பார் - அதுதான்
உலகினில் விதியென வகுப்பார்
கடையவர் உயரியர் பிறப்பால் - இருப்பர்
கடவுளின் செயலென உரைப்பார் கடவுளை விதியினை மறுப்போம் - தூய
கடமையை உரிமையை மதிப்போம்
மடமையை அடிமையை வெறுப்போம் - நல்ல
மதியினை உணர்வினை வளர்ப்போம் வயல்களில் உழைப்பினைக் கொடுப்போம் - அங்கே
வருபயன் அனைத்தையும் எடுப்போம்
துயரிலை எனமடல் விடுப்போம் - உழைப்பால்
சுரந்திடும் பொருள்களை மடுப்போம் |