பொறிகளுந் தறிகளும் வளர்ப்போம் - அங்கே
    புதுநெறி முறைகளில் உழைப்போம்
நிறைவுறு பொருள்களை விளைப்போம் - நாட்டின்
    நிலையுயர் வெய்திடச் செழிப்போம்

புதுமுறை உலகினைப் படைப்போம் - அங்கே
    பொதுமையில் அறநெறி விரிப்போம்
உதவிடும் மனத்தொடு சிறப்போம் - உலகில்
    ஒருசரி நிகரென இருப்போம்

அயர்வினைப் பகையெனத் தகர்ப்போம் - நாளும்
    அவரவர் கடமையை உகப்போம்
அயலவர் சுரண்டிடின் செகுப்போம் - அந்த
    அணியினில் தலைமையை வகிப்போம்