| பாடுங்குயில் (பாடல்கள்) | 123 |
4
எப்படிப் பொறுப்பேன்! இருளுடன் ஒளியையுங் காண்பேன் - உலகின்
இயல்பெனும் மனநிலை பூண்பேன்
வறுமையும் வளமையுங் கண்டால் - மாந்தன்
வாழ்வினில் எப்படிப் பொறுப்பேன்? மருதமும் பாலையும் உண்டு - விடுவேன்
மண்மிசை இயல்பெனக் கொண்டு
உரியவன் எளியவன் இருத்தல் - இயல்பென்
றுரைத்திடின் எப்படிப் பொறுப்பேன்? தடமலை சமதரை இருக்கும் - அவையும்
தரைதனில் இயல்பென இருப்பேன்
குடிலுடன் மாளிகை இருப்பின் - நெஞ்சம்
குமுறா தெப்படி யிருக்கும்? பூவுடன் பிஞ்சுகள் மடியும் - அஃதும்
பூமியில் இயல்பென முடியும்
சாவுகள் இளமையைத் தொடரின் - உள்ளம்
சமநிலை எப்படி யடையும்? மலர்தனிற் பனிநீர் குந்தும் - அதுதான்
மனமகிழ் அழகினைச் சிந்தும்
உலரிய விழிநீர் சிந்தின் - என்றன்
உளமோ கடலெனப் பொங்கும் |