| பாடுங்குயில் (பாடல்கள்) | 125 |
5
மூடம் என்று மாறுமோ! கடவுள் கடவுள் என்கிறாய் - நாளுங்
கயமை யாவுஞ் செய்கிறாய்
மடமை நோக்கிச் செல்கிறாய் - நல்ல
மதியை அந்தோ கொல்கிறாய் கல்வி தெய்வம் என்கிறாய் - நாளுங்
கற்க என்ன செய்கிறாய்?
செல்வந் தெய்வம் என்கிறாய் - அதனைத்
தேடத் தீமை செய்கிறாய் சின்னம் உன்றன் மெய்யிலே - செய்யுஞ்
செயல்கள் எல்லாம் பொய்யிலே
சொன்ன வேதங் கையிலே - வஞ்சம்
சூது நெஞ்சப் பையிலே எத்தி வாழப் பார்க்கிறாய் - அதனுள்
இறைவன் பேரைச் சேர்க்கிறாய்
கொத்துங் கழுகுப் போக்கினால் - உன்றன்
கொள்கை நன்மை யாக்குமோ? செய்யுந் தீமை யாவுமே - அந்தத்
தேவன் என்றால் தீருமோ?
பொய்யும் மெய்ம்மை யாகுமோ? -காட்டுப்
பூனை புலியென் றாகுமோ? |