| பாடுங்குயில் (பாடல்கள்) | 139 |
14
ஒற்றுமையா? ஒருமைப்பாடா? ஒற்றுமை என்றொரு சொல்லுண்டு-மேலும்
ஒருமைப் பாடென ஒன்றுண்டு
சற்றே அவற்றின் பொருள் கண்டு-நின்பால்
சாற்றிடுவேன்கேள் மனங்கொண்டு கட்டிய மாலைகள் தொங்கும்பார்-அவற்றில்
கண்கவர் பூக்கள்வி ளங்கும்பார்
மொட்டுடன் முல்லைது லங்கும்பார்-இன்னும்
மூவகைப் பூவுமி லங்கும் பார் எத்தனை எத்தனை வண்ணம்பார்-நெஞ்சில்
இன்பம் விளைந்திடப் பண்ணும்பார்
அத்தனை அத்தனை வண்ணப்பூ-மாலை
ஆகிடச் சேர்ந்ததை எண்ணிப்பார் மாலையிற் சேர்ந்தவை நின்றாலும்-தத்தம்
மணத்தோ டுறுபெயர் குன்றாமல்
கோலமு றத்தொடர்ந் தொன்றாகும்-இதுவே
கொண்டிடும் ஒற்றுமை என்றாகும் பாலொடு சர்க்கரை ஒன்றானால்-நாமும்
பருகிட வேசுவை நன்றாகும்
பாலிடு சர்க்கரை என்னாகும்?-வடிவும்
பண்டைய பேரதும் இன்றாகும் |