| பாடுங்குயில் (பாடல்கள்) | 165 |
28
துயரக் கவி குரல்மறந்த குயிலானான்-நீந்தும்
குளமிழந்த கயலானான்
இறகொடிந்த மயிலானான்-வாழ்வில்
இடருழந்தே மயலானான் ஒலியிழந்த மணியானான்-பார்வை
ஒளிமறைந்த விழியானான்
கலிமிகுந்த துயராலே-பாவம்
களைதுறந்த முகமானான் முகில்படர்ந்த நிலவானான்-தூசு
முழுதடைந்த சிலையானான்
துகில்வளைந்த படமானால்-சோகச்
சுவரெழுந்த மனையானான் துயர்படர்ந்த கவியானான்-இன்பச்
சுவைமறந்த கலையானான்
புயலெழுந்த புவியானான்-துன்பப்
புகைபுகுந்த விழியானான் நரம்பறுந்த யாழானான்-போரின்
நடுவொடிந்த வாளானான்
சுரும்பிருந்தே சூழாமல்-தேனின்
துளியிழந்த பூவானான் கவிபொழிந்த முகிலம்மா-பாடற்
கனிமிகுந்த பலவம்மா
தவிதவிக்க விடினம்மா-யார்தான்
தலைவனுக்குப் புகலம்மா? 12.9.1975 |