| பாடுங்குயில் (பாடல்கள்) | 169 |
31
ஏறு முன்னேறு உழைப்புக்கு நல்லதோர் காலம்-வந்தால்
ஓங்கிவ ளர்ந்திடு மேயிந்த ஞாலம்
பிழைப்புக்குப் போடாதே தாளம்-சென்று
பின்பாட்டுக் கூட்டத்தில் பாடாதே மேலும் தன்மானம் ஒன்றையே நாடு-பெற்ற
தாயகந் தானுனக் கெப்போதும் வீடு
எந்நாளும் பாட்டாளி யோடு-கூடி
எங்கெங்குந் தோளேற்றிப் படவேண்டும் பாடு எங்கெங்குக் காணினுந் தேம்பல்-மக்கள்
எவ்வெவர் வாழ்விலும் இன்பங்கள் கூம்பல்
பொங்கிப்ப டர்ந்திடும் சோம்பல்-கொண்டு
போற்றிவ ளர்த்ததால் வந்ததித் தீம்பு சோம்பலை மாய்த்திடல் வேண்டும்-நின்றன்
தோளில்உ ழைப்பினைச் சேர்த்திடல் வேண்டும்
மாம்பழக் கொட்டையைத் தோண்டி-நட்டு
மாஞ்செடி தந்திடும் மந்திரம் வேண்டாம் உன்னை உழைப்பினை நம்பு-யாரோ
ஓதிய வேதத்தை நம்பினால் வம்பு
பொன்னை வளர்த்திடுந் தெம்பு-நாட்டிற்
பூத்துக் குலுங்கிட நாடிக் கிளம்பு ஆலைத் தொழில்புரிந் தாலும்-பள்ளி
ஆசிரி யப்பணி ஏற்றிருந் தாலும்
சீலைத் தொழில்புரிந் தாலும்-எங்கும்
சீருடன் நின்கடன் ஆற்றுக நாளும் |