கூடத்தே கோலம் வைத்தேன் எழிற்
கோலத்தை மேலில் வைத்தேன்
கூடத்தான் ஆசைவைத்தேன்-^*பள்ளிக்
கூடத்தான் வரவே இல்லை

- ஓடத்தான்

தேடத்தான் யாரே செல்வார்!-துயர்
தேயத்தான் யாரே சொல்வார்?
பாடத்தான் நெஞ்சே சொல்லும்-காதல்
பாடத்தான் வரவே இல்லை

- ஓடத்தான்

ஆடத்தான் வைத்தான் என்னை-புனல்
ஆடத்தான் வைத்தான் கண்ணை
வேடத்தான் பொய்த்தான் சொல்லை-காதல்
வேகத்தான் வரவே இல்லை

- ஓடத்தான்

26.9.1976

^* பள்ளிக்கூடத்தான் -பள்ளியறைக்குரியவன்