60
இருவகை மயக்கம்

(கள்ளுண்டான் கவிமயக்கத்தில் பாடுவது.)

இது ஒருவித மயக்கம் அது ஒருவித மயக்கம்
இரண்டுக்குமேஒரு கால்தான் மயக்கம்
இது மது அது மாது

- இது ஒரு

மதியினை மயக்கும் மதுவுணும் போது
மனத்தினை மயக்கும் மலர்விழி மாது

- இது ஒரு

சொல்ல நினைத்தால் சொல்தடு மாறும்
சொக்கிய விழிகளில் சுகமிக ஏறும்
மெல்லிய ஆடையும் மெய்தனிற் சேரும்
மேலுல கிங்கே வந்தெதிர் சேரும்

- இதுஒரு

உண்டதும் தலையில் ஏறிடும் போதை
ஓ ஓ தரையில் மாறிடும் பாதை;
கண்டதும் உணர்வில் மீறிடும் போதை
கலந்தபின் அடடா ஊறிடும் காதல்

- இது ஒரு

15.12.1976