23
தமிழன் ஏக்கம்
- தமிழன் என்றதுமே-மிகப்பரி
தாபம் பிறக்குதம்மா!
இமயம் வென்றானே-அவன் இன்று
ஏற்றங் குறைந்தானே! சமையம் போகாதோ? - தொல்லைதரும்
சாதி தொலையாதோ?
சமத்துவ வாழ்வு-மீண்டும்
தளிர்த்துச் செழிக்காதோ? உழுபவன் ஒருவன்-உடைதர
உழைப்பவன் ஒருவன்
பழமையின் பேரால்-பயன்பெறப்
பார்ப்பவன் வேற்றவனோ? அழுதிடும் பாலன்-பசியால்
ஆவி தொலைந்தாலும்
கழுவுவர் பாலால்-அந்தோ
கல்லுருத் தேவுகளை ஓட்டைக் குடிசையுள்ளே-உணவின்றி
ஒட்டி உலர்ந்த மகன்
வேட்டியும் இல்லாமல்-அவனுறும்
வேதனை தீராதோ? மாட்டினும் கீழாக-மனிதன்
மாண்டிடும் தீய நிலை
ஓட்டிட வேண்டுமம்மா-உண்மையை
ஓர்ந்திட வேண்டுமம்மா |