9
உரிமையும் கடமையும் அறுசீர் விருத்தம் வேண்டுவீர் உரிமை என்றால்
வெறுப்பவர் எவரு மில்லை,
தாண்டிடேல் கடமை யாற்ற
எனச்சொலுந் தலைவ ருண்டோ?
ஈண்டிய தொழிலோர் நும்முள்
இணைகுவீர் உரிமை என்றால்;
வேண்டுக கடமை என்றால்
விலகியே விரைந்து செல்வீர்! உழைப்பவர் நலிந்து வாட,
ஒருசிலர் சுரண்டி வாழ,
இழைத்திடுங் கொடுமை காணின்
எதிர்த்திடும் உரிமை வேண்டும்;
உழைப்பினை நல்க லின்றி
உறுபயன் மட்டும் வேண்டிப்
பிழைப்பதைப் பிழையே என்று
பேசிடுங் கடமை வேண்டும். வீட்டினைப் புரப்ப தற்கே
விரும்புவீர் உரிமை தன்னை;
நாட்டினை உயர்த்து தற்குக்
கடமையை நயந்த துண்டோ? |