மாறிய போக்கினைக் கற்றனரே- உயர்
மான வுணர்ச்சியைச் செற்றனரே
கூறிய நீதிகள் எவ்வளவோ-அவை
கூறுவர் மேடையில் அவ்வளவே தந்நலம் ஒன்றையே தேடுகிறார்- அதைச்
சட்டமென் றாக்கிட நாடுகிறார்
என்னதான் செய்யினும் நெஞ்சினிலே-முனம்
ஏற்றுகி றாரவர் வஞ்சனையே
பன்னிய நல்லறம் நீக்கினரே-மனப்
பண்புகள் யாவையும் போக்கினரே
இந்நிலை கண்டுளம் வாடுகிறேன் அதை
எற்றித் துவைத்திடப் பாடுகிறேன். எங்கெது காணினும் வஞ்சமடா- அதை
எப்படித் தாங்கிடும் நெஞ்சமடா
இங்கெவர் போக்கிலுங் குற்றமடா-இதை
எண்ணிடும் போதெலாம் செற்றமடா
எங்கணுங் கீழ்மையைச் சாடிடுவேன்-மனம்
ஏற்றம் பெறக்கவி பாடிடுவேன்
பொங்குக பண்புகள் பொங்குகவே-நலம்
பூத்துப் பொலிந்துவி ளங்குகவே நாயினுங் கீழென வாழ்வதுவோ-திரு
நாட்டின் பெரும்புகழ் சாய்வதுவோ?
ஈயென எங்கணுந் தோய்வதுவோ?- மனம்
ஈனத் தனத்தினிற் பாய்வதுவோ?
போயெதிர் காலத்தை நோக்குகிறேன்-மனம்
புண்பட்டுப் போவதால் தாக்குகிறேன்
வாயினை எப்படி மூடிடுவேன்?-உயர்
வாய்மையைக் காத்திடப் பாடிடுவேன் |