24. தமிழனா? இந்தியனா?

எடுப்பு

இந்தியன் என்றொரு தமிழ்மகன் சொன்னால்
      அவன்தான் இங்கே ஏமாளி-கூத்தன்
இயக்கிட இயங்கும் கோமாளி - இந்தியன்

தொடுப்பு

உந்திய உணர்வால் தமிழனென் றேதனை
உரைப்போன் மானம் உயர்ந்துள திறனாளி- இந்தியன்

முடிப்பு

அவனே இந்தியத் தமிழனென் றிசைத்தால்
      அடிமையென் றெழுதிய முறியாளி
புவிமிசைத் தமிழ இந்தியன் என்றே
      புகல்பவன் சரிநிகர் சமனாளி- இந்தியன்

எப்பெயர் சூடுதல் ஒப்புமென் றாய்ந்தே
      ஏற்றிட முனைபவன் பொறுப்பாளி
எப்பொருள் கூறினும் எவ்வெவர் கூறினும்
      மெய்ப்பொருள் காண்பவன் அறிவாளி- இந்தியன்.

7.5.1987