| 42 | கவியரசர் முடியரசன் படைப்புகள் - 5 |
17. விடை கொடு தாயே விடைகொடு விடைகொடு தாயே - சமரில்
வென்றிடுந் திறமருள் வாயே
உடைமைகள் உயிருடல் நீயே - எங்கள்
உணர்வினில் உறுந்தமிழ்த் தாயே. படையுடன் இவண்வரும் இந்தி- பல
பாடை கொணர்ந்திடும் இந்தி
தடையுடன் புகவரும் இந்தி - பெருந்
தடிபல கொணர்ந்திடும் இந்தி படைவரும் தடைவரும் அறிவோம் - அது
பாதியில் உடைபடும் தெரிவோம்
கொடுமைகள் கண்டுளந் திரியோம் - எமைக்
கொன்றிடி னுஞ்சமர் புரிவோம். அடிபட அடிபட எழுவோம் - எங்கள்
ஆவி பிரிந்திடின் விழுவோம்
சுடுபடக் கொள்கையில் நழுவோம்- நெஞ்சில்
துணிவொடு தமிழ்மொழி தொழுவோம். |