| 42 | கவியரசர் முடியரசன் படைப்புகள் - 6 |
13
வள்ளுவர் கண்ட உடைமைகள் மாடமொடு நீடுமதில் சூழ்ந்தி ருக்கும்
மாமனைகள், விளைந்துவரு நன்செய் புன்செய்,
தேடரிய பெருஞ்செல்வம், மணியும் பொன்னும்
தேர்ந்தெடுத்துச் செய்தஅணி கலன்க ளோடு
மாடணியும் *சாகாடு, தொலைவி னின்று
வந்திறங்கும் விலையுயர்ந்த ஊர்தி யின்னும்
நாடதனில் எதையெதையோ உடைமை என்று
நம்பியதைப் பெறுவதற்கே உழலு கின்றோம். இவற்றையெல்லாம் உடைமையென நம்பி **வெஃகி
எவ்வகையாற் பெறுதுமெனச் சூழ்ந்து செய்யும்
தவற்றையெலாஞ் சொல்வதெனில் யாரால் ஒல்லும்?
தந்திரங்கள் வஞ்சனைகள் பொய்ம்மை இன்னும்
எவற்றையெலாம் செய்தேனும் வளத்தில் வாழ
ஏங்குகிறோம் பிறருயிரை வாங்கு கின்றோம்
**அவத்தைஎலாம் நாணாமற் செய்து நின்றே
அலைகின்றோம் ‡மலைகின்றோம் இனத்தா ரோடு. கொடுமைபல ¶செய்தவற்றைப் பெற்ற பின்பும்
கொண்டபொருள் போதுமெனும் எண்ணம் நெஞ்சிற்
கடுகளவும் படுவதுண்டோ? இல்லை யில்லை;
கரைகாணா ஆசையினால் இன்னும் யாரைப்
*சாகாடு - வண்டி, **வெஃகி - விரும்பி ***அவத்தை - துன்பம்
‡மலைகின்றோம் - சண்டையிடுகின்றோம்
¶செய்தவற்றை - செய்து + அவற்றை |