காரியாற்றுப் போர்

இவனது தம்பி இவனுக்காகக் காரியாறு என்னுமிடத்தில் போரிட்டான். இவனை எதிர்த்துச் சேரரும் பாண்டியரும் போரிட்டனர். வெற்றி சோழர்களுக்குக் கிடைத்தது.⁵

பெயர்களும் அடைமொழிகளும்

‘கிளர்மணி நெடுமுடிக்கிள்ளி’,⁶ ‘அணிகிளர் நெடுமுடி அரசாள்வேந்தன்’,⁷ ‘மாவண் கிள்ளி’⁸ இவற்றில் முதல் இரண்டு தொடர்களும் இவன் தலையில் அணிந்திருந்த முடியின் சிறப்பை உணர்த்துகின்றன. ‘மாவண்கிள்ளி’ என்னும் தொடரும் ‘மாவண் சோழர்’⁹ என்னும் தொடரும் எந்த அளவு ஒற்றுமை உடையவை என்பது விளங்கவில்லை.¹⁰

இசைவெங்கிள்ளி

இவன் அம்பர் என்னும் ஊரைத் தலைநகராகக் கொண்டு அரிசிலாற்றங் கரையைச் சூழ்ந்த பகுதியை அரசாண்டு வந்தான். இவன் பாண்டிய அரசன் ஒருவனோடு போரிட்டு வெற்றி கண்டான்.¹¹ இவன் புதுமை அழகுடன் திகழும் வெற்றிக் கொடியை நாட்டி மகிழ்ந்தான்.

5. மணிமே. 19 : 124 - 127

6. மணிமே. 24 : 29

7. ௸ 22 : 215

8. ௸ 19 : 127

9. அகம். 123 : 10

10. மாவண் கடலன் (அகம்.81 : 13) மாவண் கழுவுள் (அகம். 365 : 12) மாவண் தித்தன் (புறம். 352 : 9) மாவண் பாரி (புறம், 236 : 3 பதிற். 61 : 8) மாவண் புல்லி (அகம்.61 : 12, 359 : 12) மாவண் தோன்றல் (புறம். 121 : 4) அகம். 394 : 12 (தலைமகன்) என்னும் தொடர்களையும் ஒப்புநோக்கி எண்ண வேண்டியுள்ளது.

11. பாடலில் ‘பாண்டில்’ என்றே உள்ளது. இச்சொல்லுக்குக் ‘காளை’ என்பது பொருள். காளையொடு பொருதான் எனில் வெற்றிக்கொடி நாட்டினான் என்பது பொருளின்றி முடியுமாகையால் ஏற்புடை வழியில் பாண்டிய அரசன் என்று கொள்ளப்பட்டது.