உலக மக்களிடையே மொழி, இனம், சமயம், பண்பாடு, வாழிடம் எனப் பல வேற்றுமைகள் காணப்படுகின்றன.

உலக மக்களை விழாக்கள், இசை நிகழ்ச்சிகள், விளையாட்டுகள், விருந்து நிகழ்வுகள், சுற்றுலாக்கள், திரைப்படங்கள் முதலான நிகழ்ச்சிகள் ஒற்றுமைப்படுத்துகின்றன.

சுற்றுலா மூலம் ஒரு நாட்டின் பண்பாட்டுக் கூறுகள் பிறநாடுகளுக்கு விரிவடைகின்றன. பிற நாட்டின் தொழில்நுட்பத் திறனைத் தங்கள் நாட்டிலும் பின்பற்ற சுற்றுப்பயணங்கள் உதவுகிறது. இந்தப் பயணங்கள் உலக மக்களிடையே ஒற்றுமையை ஏற்படுத்துகின்றன.

மக்களை ஒன்றிணைப்பதில் விளையாட்டுக்கும் பங்கு உண்டு. பல நாட்டு வீரர்கள் இணைந்து ஒற்றுமையாக விளையாடுகின்றனர். எனவே விளையாட்டுகள் மூலம் உலக மக்களிடையே ஒற்றுமையுணர்வு ஏற்படுகிறது.

இசையை அனுபவிக்க மொழிகள் தேவையில்லை. உலக மக்கள் அனைவரும் புரிந்துகொள்ளும் ஒரே மொழி இசைதான். எனவே இசை, பல்வேறு வேறுபாடுகளைக் கடந்து மக்களை ஒன்றிணைக்கிறது.