வேற்றுமைத்தொகை

உணவு உண்டான்

இத்தொடர் உணவை உண்டான் என விரிந்து பொருள் தருகிறது. இரு சொற்களுக்கு இடையில் ’ஐ’ என்னும் வேற்றுமை உருபு வெளிப்படையாக வரவில்லை. மறைந்து வந்துள்ளது.

இவ்வாறு ஒரு தொடரில் வேற்றுமை உருபுகள் (ஐ, ஆல், கு, இன், அது, கண்) மறைந்து வந்து பொருள் உணர்த்துவது வேற்றுமைத்தொகை எனப்படும்.

இது, வேற்றுமை உருபு மட்டும் மறைந்துவருதல், வேற்றுமை உருபும் பயனும் சேர்ந்து மறைந்துவருதல் என இரண்டு வகைப்படும்.