117. நெய்தல்

	பெருங் கடல் முழங்க, கானல் மலர,
	இருங் கழி ஓதம் இல் இறந்து மலிர,
	வள் இதழ் நெய்தல் கூம்ப, புள் உடன்
	கமழ் பூம் பொதும்பர்க் கட்சி சேர,
5	செல் சுடர் மழுங்கச் சிவந்து வாங்கு மண்டிலம்
	கல் சேர்பு நண்ணிப் படர் அடைபு நடுங்க,
	புலம்பொடு வந்த புன்கண் மாலை
	அன்னர் உன்னார் கழியின், பல் நாள்
	வாழலென்-வாழி, தோழி!-என்கண்
10	பிணி பிறிதாகக் கூறுவர்;
	பழி பிறிதாகல் பண்புமார் அன்றே.	உரை

239. நெய்தல்

	ஞான்ற ஞாயிறு குடமலை மறைய,
	மான்ற மாலை மகிழ்ந்த பரதவர்
	இனிது பெறு பெரு மீன் எளிதினின் மாறி,
	அலவன் ஆடிய புலவு மணல் முன்றில்
5	காமர் சிறுகுடிச் செல்நெறி வழியின்,
	ஆய் மணி பொதி அவிழ்ந்தாங்கு, நெய்தல்
	புல் இதழ் பொதிந்த பூத் தப மிதிக்கும்
	மல்லல் இருங் கழி மலி நீர்ச் சேர்ப்பற்கு
	அமைந்து தொழில் கேட்டன்றோ இலமே; 'முன்கை
10	வார் கோல் எல் வளை உடைய வாங்கி,
	முயங்கு' எனக் கலுழ்ந்த இவ் ஊர்
	எற்று ஆவதுகொல், யாம் மற்றொன்று செயினே?	உரை