105. பாலை

	முளி கொடி வலந்த முள் அரை இலவத்து
	ஒளிர் சினை அதிர வீசி, விளிபட
	வெவ் வளி வழங்கும் வேய் பயில் மருங்கில்,
	கடு நடை யானை கன்றொடு வருந்த,
5	நெடு நீர் அற்ற நிழல் இல் ஆங்கண்
	அருஞ் சுரக் கவலைய என்னாய்; நெடுஞ் சேண்
	பட்டனை, வாழிய-நெஞ்சே!-குட்டுவன்
	குட வரைச் சுனைய மா இதழ்க் குவளை
	வண்டு படு வான் போது கமழும்
10	அம் சில் ஓதி அரும் படர் உறவே.	உரை

228. குறிஞ்சி

	என் எனப்படுமோ-தோழி!-மின்னு வசிபு
	அதிர் குரல் எழிலி, முதிர் கடன் தீர,
	கண் தூர்பு விரிந்த கனை இருள் நடு நாள்,
	பண்பு இல் ஆர் இடை வரூஉம் நம் திறத்து
5	அருளான்கொல்லோ தானே-கானவன்
	சிறு புறம் கடுக்கும் பெருங் கை வேழம்,
	வெறி கொள் சாபத்து எறி கணை வெரீஇ,
	அழுந்துபட விடரகத்து இயம்பும்
	எழுந்து வீழ் அருவிய மலை கிழவோனே?	உரை