76. பாலை

	வருமழை கரந்த வால் நிற விசும்பின்
	நுண் துளி மாறிய உலவை அம் காட்டு
	ஆல நீழல் அசைவு நீக்கி,
	அஞ்சுவழி அஞ்சாது, அசைவழி அசைஇ,
5	வருந்தாது ஏகுமதி-வால் இழைக் குறுமகள்!-
	இம்மென் பேர் அலர் நும் ஊர்ப் புன்னை
	வீ மலர் உதிர்ந்த தேன் நாறு புலவின்
	கானல் வார் மணல் மரீஇ,
	கல் உறச் சிவந்த நின் மெல் அடி உயற்கே!	உரை

343. பாலை

	முல்லை தாய கல் அதர்ச் சிறு நெறி
	அடையாது இருந்த அம் குடிச் சீறூர்த்
	தாது எரு மறுகின், ஆ புறம் தீண்டும்
	நெடு வீழ் இட்ட கடவுள் ஆலத்து,
5	உகு பலி அருந்திய தொகு விரற் காக்கை
	புன்கண் அந்திக் கிளைவயின் செறிய,
	படையொடு வந்த பையுள் மாலை
	இல்லைகொல் வாழி-தோழி!-நத்துறந்து
	அரும் பொருட் கூட்டம் வேண்டிப்
10	பிரிந்து உறை காதலர் சென்ற நாட்டே?	உரை