268. குறிஞ்சி

	சூருடை நனந் தலைச் சுனை நீர் மல்க,
	மால் பெயல் தலைஇய மன் நெடுங் குன்றத்து,
	கருங் காற் குறிஞ்சி மதன் இல் வான் பூ,
	ஓவுக் கண்டன்ன இல்வரை இழைத்த
5	நாறு கொள் பிரசம் ஊறு நாடற்குக்
	காதல் செய்தவும் காதலன்மை
	யாதனிற்கொல்லோ?- தோழி!- வினவுகம்,
	பெய்ம் மணல் முற்றம் கடி கொண்டு
	மெய்ம் மலி கழங்கின் வேலற் தந்தே.	உரை

301. குறிஞ்சி

	'நீள் மலைக் கலித்த பெருங் கோற் குறிஞ்சி
	நாள்மலர் புரையும் மேனி, பெருஞ் சுனை
	மலர் பிணைத்தன்ன மா இதழ் மழைக் கண்,
	மயில் ஓரன்ன சாயல், செந் தார்க்
5	கிளி ஓரன்ன கிளவி, பணைத் தோள்,
	பாவை அன்ன வனப்பினள் இவள்' என,
	காமர் நெஞ்சமொடு பல பாராட்டி,
	யாய் மறப்பு அறியா மடந்தை-
	தேம் மறப்பு அறியாக் கமழ் கூந்தலளே.	உரை