123. நெய்தல்

	இருள் திணிந்தன்ன ஈர்ந் தண் கொழு நிழல்,
	நிலவுக் குவித்தன்ன வெண் மணல் ஒரு சிறை,
	கருங் கோட்டுப் புன்னைப் பூம் பொழில் புலம்ப,
	இன்னும் வாரார்; வரூஉம்,
	பல் மீன் வேட்டத்து என்னையர் திமிலே,	உரை

206. குறிஞ்சி

	அமிழ்தத்தன்ன அம் தீம் கிளவி
	அன்ன இனியோள் குணனும், இன்ன
	இன்னா அரும் படர் செய்யும்ஆயின்,
	உடன் உறைவு அரிதே காமம்:
	குறுகல் ஓம்புமின், அறிவுடையீரே!	உரை

322. குறிஞ்சி

	அமர்க்கண் ஆமான் அம் செவிக் குழவி
	கானவர் எடுப்ப வெரீஇ, இனம் தீர்ந்து,
	கானம் நண்ணிய சிறுகுடி பட்டென,
	இளையர் ஓம்ப மரீஇ, அவண் நயந்து,
	மனை உறை வாழ்க்கை வல்லியாங்கு,
	மருவின் இனியவும் உளவோ?
	செல்வாம்-தோழி!-ஒல்வாங்கு நடந்தே.	உரை