மேல் சென்று அடர்த்து - அவர்கள் மேல் படை எடுத்துச் சென்று யுத்தம் செய்து,  வஞ்சனை பலவும் நாடி - அவர்கள் செய்யும் வஞ்சனைகள் பலவற்றையும் ஆராய்ந்து, வகுப்பன வகுத்து  - அதற்குரிய தந்திரங்களைத் தானும் செய்து,  புஞ்சிய பொருளும் - (அவர்களுடைய)  மிகுதியான பொருள்களையும், நாடும் - அவற்றிற்கு வருவாயாகிய நாடுகளையும், புணர்திறம் - அடையும் வழியையும், நெஞ்சில் புணர்ந்து - மனத்தே ஆராய்ந்து கொண்டு,  துஞ்சுதல் இலாத கண்ணன் - நாள்தோறும் கண்ணுறக்கம் இல்லானாய், துணிவன துணிந்து நின்றான்-செய்யத் தகுவனவற்றைச் செய்துப் பொருளைத் தேடும் வழியிலேயே நின்றான்.

மண், பொன் முதலிய ஆசைவெறி பிடித்த மன்னன் அதற்குரிய நினைவு செயல் முதலியவற்றால் கண்ணுறக்கமும் இலனாயினன் என்க.

தெவ்வர் - பகைவர்.  ‘வஞ்சனை பலவும் நாடி';  என்பதற்கு, ‘தான் செய்யும் பலவஞ்சனைகளையும் ஆராய்ந்து எனினுமாம், ‘தூங்காமல்  தூங்கி சுகம் பெறுவ தெக்காலம்'; என்னும் எக்காலக் கண்ணியைப் போலல்லாது இம் மன்னன் தீய வழியில் துஞ்சுதலிலனாயினனென்றற்கு, ‘துஞ்சுதலிலாத கண்ணன்‘ என்றார். இனி,  மன்னன் துயின்றாலும் அவன் மனம் துயிலவில்லை  எனினுமாம்.             (14)

(இ-ள்.) தோடு அலர் கோதைர மாதர்-இதழ் விரிந்த பூமாலை யணிந்த மாதர்களின், பாடலொடு இயைந்த - கண்டப்பாடலொடு பொருந்திய,  துயரியில் தொடுத்து எடுத்த-யாழ் நரம்பில் தொடுத்துவாசிக்கப்பெற்ற,பண்ணின் இசைச் சுவை - யாழிசையிங் சுவை.