(இ-ள்.) மண்ணினுக்கு அரசன் தேவி - அவந்தி  நாட்டரசன் தேவியும்,  பண்ணினுக்கு ஒழுகும்   நெஞ்சின் பாவை -இசைக்கு உருகி ஒழுகுகின்ற  நெஞ்சோடு கூடியபாவை போன்றவளுமாகிய அமிர்தமதி,  இப்பண் கொள் -இப்பாடல் பொருந்தியுள்ள, செவ்வாய் - சிவந்த  வாயை யுடைய, அண்ணலுக்கு  அமிர்தம் ஆய - பெருமையிற் சிறந்தோனுக்கு அமிர்தம் போலினிக்கின்ற,  அரிவையர்க்கு - பெண்கட்கு, உரிய -உரிமையாகத் தருகின்ற, போகம் - இன்ப நுகர்ச்சி, விண்ணினுக்கு - தேவருலகத்தே, உளது - உளதாகும், என்று எண்ணி - என்று  நினைத்து, வெய்து உயிர்த்து - பெருமூச்செறிந்து,  உய்தல் செல்லாள் - பிழைக்க வகையறியாது,  மதிமயக்குற்றிருந்தாள் - அறிவு கலங்கப் பெற்றிருந்தாள். (எ-று.)

பாவை போன்ற தேவி,  அண்ணலுக்குரிய பெண்கள்  நுகரும் போகம், தேவருலகத்தே  உளதாகும் என்றெண்ணி  அது கிடைக்கப் பெறாமையில் வருந்தின ளென்க.செல்லான்  என்பது  முற்றெச்சம்.              (22)

பெண்மையின் புன்மை

     (இ-ள்.) பெண் உயிர்-பெண்ணாய்ப் பிறந்த உயிர்கள், மின்னினும் நிலையின்று உள்ளம் - மின்னலைக் காட்டிலும் நிலையில்லாததாகிய தம் மனம்,  விழைவுறின் - (எவற்றை யேனும்)  விரும்பினால், விழைந்த யாவும் துன்னிடும் - விரும்பிய வெல்லாவற்றையும் பெற்றே தீரும், மனத்தின் தூய்மை சூழ்ச்சியும் ஒழிய நிற்கும் - உள்ளத்தின் தூய்மையும் ஆராய்ச்சியும் கெடுமாறு நிற்கும்,  பின் உறுபழியிற்கு அஞ்சா-