(இ-ள்.) சீவன் இயல்புதான் - உயிரின் தன்மை, இவ்வகையாகும்  - (மேலே கூறிய) இவ்வகையாகும், இயல்புவேறு ஆம் - அவ்வுயிரின் இயல்பினின்றும் வேறாகிய, வெய்ய தீ வினைகளாலே - கொடிய இருவினைகளினாலே, வெருவுறு துயரின் மூழ்கி - அஞ்சத்தக்க துன்பத்திலாழ்ந்து, மையல் உற்று  - மயக்கமுற்று, அழுந்தி - பிறவிச் சுழற்சியில் அழுந்தி, நான்கு கதிகளுள் --, கெழுமிச் செல்வர் - பொருந்திச் சுழல்வர்: (இது) ஐயம் இல் காட்சி ஞானத்து ஒழுக்கத்தோர் - சந்தேஹம் *முதலிய குற்றங்களில் நீங்கின நற்காட்சி நல்லறிவு நல்லொழுக்கம் என்ற மூன்றையும் உடைய சான்றோரே, அறிவதாகும் - தெளிய அறிவதாகும்.

உயிரின் இயற்கை, கடையிலா அறிவு முதலிய தன்மையதே;  அதற்கு மாறாகிய செயற்கையாலாகிய நல்வினை தீவினைகளினால் பற்றப்பட்டு நர சுர நாரக திர்யக் என்னும் நாற்கதியிற் சுழன்று வருந்துவது மாற்றுயிர் என்பதாம்: இவ்விருவகை உயிர்களையும் அறிபவர் மும்மணி நிறைந்த சான்றோரே யென்றா ரென்க.

நான்கு கதியும் கூறியதனால், ‘வெய்யதீவினை’ என்பது, நல்வினை தீவினை இரண்டையும் குறிக்கும்.  வெய்ய - விரும்புதற்குரிய: ‘வெய்யநெய’ (தக்கயாகப்) ஈண்டு நல்வினை, அதர்மானுபந்தி புண்யம். யசோ. 4.உரை பார்க்க.  தான், அசையெனவுமாம்.           (13)

   (இ-ள்.) ஆகமத்து அடிகள் - பரமாகமமுணர்ந்த அடிகளே, அது - சீவனியல்பினை அறிதல் முதலாகிய அது,