பாராட்டுதற்கு என்க. உள்ளுதல் - நினைத்தல். முகம் - முதலது வாய்: பின்னது முன்பு என்ற பொருளது.  ‘ ஈன்றாள் முகத்தேயு மின்னாதால்‘ (குறள். 923).  (30)

  (இ-ள்.) அவன் -அம்மன்னன், வாங்கி - (வில்லை) வளைத்து, சொல் அறிகணையை - ஒலிவந்த திசையை அறிந்தேகும் அம்பினை, தொடுத்து - (அந்த வில்லில்)  தொடுத்து, விடுத்தலோடும் - எய்யவும், நல் இறை பறவை  தம்மை அடுத்து - அழகிய சிறகுகளையுடைய கோழிகளை யடுத்து, நடுக்கியது வீழ - (அவற்றை) நடுங்கச் செய்து வீழ, சில் அறிவின ஏனும் - சிற்றறிவினை யுடைய கோழிகளாயினும் திருஅறப் பெருமையாலே - (அகம்பனரருளிய) திருவறத்தை மேற்கொண்ட பெருமையினால், வல்லிதின் மறைந்துபோகி -விரைவாக (த்தம் உடலினின்றும்) பிரிந்து சென்று, மானுடம்பு ஆய - மக்கட் பிறவியன ஆயின (மக்கட் பிறப்பையடைந்தன). (எ-று.)

மன்னன் எய்ததும் கோழிகள் இறந்து மானிடப் பிறப்பை அடந்தனவென்க.

சொல் அறி கணை - சப்தவேதிபாணம்.  வாங்கி -அம்பை எடுத்து எனினுமாம்.  இறை  - சிறகு.  அறிவனகள்:கள், அசை, உயிர் துறந்ததும் ஒன்றுமுதல் நான்கு சமயத்திற்குள் (கார்மண) சூட்சும சரீரத்துள் மறைந்து சென்றுமறு பிறவியை எய்துதலால், ‘வல்லிதின் மறைந்துபோகி‘ என்றார். ‘ஏகம் த்வௌ த்ரீந் வா அநாஹாரக:‘ என்ற தத்த்வார்த்த சூத்ரத்தின் உரையினால் இதன் விவரம் அறியலாகும். கோழிகள் தருமத்தியானத்துடன் (யசோ. 147 -உரை).  மரித்தனவாதலின் மக்களாயின.  ‘மானுடம்பு‘