நின்று, சுடுகின்ற  - வருத்துகின்ற, நரகத்துள் - அவ்வைந்தாம் நரகத்தில்,  அமிழ்தமதிஉறுவ அல்லல் - நின் தாயாகிய அமிர்தமதி   அடைகின்றனவாகிய துன்பங்கள், இவை அல்லனஉம் - (யான் கூறிய)  இவையல்லாதன,  எல்லை இல - எல்லை யில்லாதனவாகும் :  (அவை), இது இது என எண்ணி -  இன்னது  இன்னது  என எண்ணி, ஒருநாவின் சொல்ல உலவா  - என் ஒரு நாவினால் எடுத்துக் கூறமுடியாதனவாகும்:  (ஆதலின்),   ஒழிக - அவை கெடுக.

அமிர்தமதியடையுந் துன்பங்களை என் ஒரு நாவாற் கூறுதல் முடியாது என்றாரென்க.

தொல்லைவினை - அநாதிகாலமாக தொடர்ந்த வினைகளுமாம். ‘இவ்வென வுரைத்துமென்று  நினைப்பினும் பனிக்கு முள்ளம்‘ (சீவக. 2762) என்றது,  ஈண்டு அறியத் தகும்.

(இ-ள்.) வளர் ஒளிய பூணோய் - மிக்க ஒளியுடையனவாகிய அணிகளை அணிந்த அரசே !  எண்ணம் இல் இசோதரனோடு அன்னை இவர் -  ஆராய்தல் இல்லாத யசோதரனும்சந்திரமதியும் ஆகிய இவர்கள்,  முன்னாள் - முன்னாளில், கண்ணிய உயிர்க்கொலை - உயிரென்று கருதிச் செய்த உயிருருவப் பலியினது, வினைக்கொடுமையாலே - கொடிய தீவினையினால், நண்ணிய விலங்கு இடை - (அவ்விருவரும்) அடைந்த விலங்குகதியினிடத்தே, நடுங்கு அஞர் தொடர்ந்த வண்ணம் இது - நடுங்கத் தக்க துன்பங்கள் பற்றிய தன்மை இதுவாகும்:  வடிவம் இவை - (அவர்கள் எடுத்த)  வடிவங்கள் இவையாகும். (எ-று.)

மன்னனும் தாயும் மாரிக்குப் பலியிட்ட தீவினையால் எய்திய துன்பங்களும் பிறவிகளும் அவையாகும் என்றனர் என்க.  மேல் இரண்டு பாட்டுக்களில் கூறும் பிறப்புகளி்ன் வடிவங்களைத் தொகுத்து, ‘வடிவமிவை‘ என்று சுட்டினார்.