(இ-ள்.) மன்னன் - யசோமதி  யரசன்,  ஓர்  உயிர்த்தோழன் ஆகி - தனக்கு ஒப்பில்லாத உயிர்த்தோழனாகி, உறுதி சூழ் வணிகன்தன்னை -  நன்மையை   ஆராய்ந்து உரைத்த வணிகனை நோக்கி,  ஐய - ஐயனே, எனக்கு-அறிவிலியாகிய எனக்கு, ஆர் உயிர்க்கு அரணம் ஆயஅடிகளோடு-உயிர்கட்கு இரட்சகராகிய இம்முனிவரோடு,  நீயும் - ----, நேர்  - சமம்:  இறைவனாக நினைவல் - (உன்னையும்)  ஆசார்யனாகவே நினைப்பேன்,  என்று - --, இனிய கூறி  - இனிய மொழிகளைக் கூறி, பார் இயல் பொறையை - நிலத்தைச் சார்ந்த அரசபாரத்தினை,  நெஞ்சில் - மனத்தில்,  பரிந்தனன் ஆனான் - பற்றின்றி விட்டவனானான். (எ-று.)

நண்பனைப் புகழ்ந்து துறவு கொள்ளக் கருதினானென்க.

உயிர்த்தோழன் - உடலால் இருவராயினும் உயிரால் ஒருவரேயெனக் கூறத் தக்க நண்பன்.  உறுதி  சூழ்தல் - நல்லறத்தை ஆராய்ந்து கூறுதல்.  இறைவன் - ஞானசிரியன். நினைவல்: ‘அல்‘ தன்மை யொருமை விகுதி.   (84)

(இ-ள்.) மன்னவன் - யசோமதி , மணிமுடி  - ரத்னகிரீடத்தை [அரச பதவியை], மகனுக்கு ஈந்து - தன் புதல்வனாகிய அபயருசிக்குக் கொடுத்ததனால்,  தன்னோடு - அவனோடு, ஏனை அணிமுடி அரசர்தாமும் - அழகிய முடியணிந்த மற்ற அரசர்களும்,  அவன் உயிர்த துணைவன் ஆய - அவனுக்கு உயிர்த்தோழனாகிய,  வணிகனும் - கல்யாண மித்திரனென்னும் வணிகனும், மற்றுளாரும் - மற்றும் பலரும், மாதவத்து இறையை