குருவாணையால் சரியைக்கு வந்தவர் யாங்களேயென்றானென்க.

அனசனம் - உபவாசம். ‘அனசனத் தவத்தினோடருந்தவம்‘ என்றார் வாமனமுனிவரும்.  ‘வில்லினதெல்லை கண்ணால் நோக்கி‘ வந்தவர் (யசோ.28) ஆதலின்.  ‘மெல்லவந்தார்‘ என்றார்.  தம்மைப் பிறர்போல் கூறிவந்தவன் இறுதியில் உண்மை வெளியிட்டான்.  இவ்வாறு கூறும் வழக்கினைச் சீவகசிந்தாமணி 395-7ல் காண்க.  ஓர் உடை உடுத்தவர் க்ஷுல்லகர் (கோவணம் மட்டும் உடுத்தவர்‘ஜலக்) என இன்றும் வழங்குவர்.                     (91)

(இ-ள்.) எண்ணின் - ஆராயுமிடத்து, எமரதும் எமதும் பிறவி மாலை - எம்தமர் எய்திய பிறவித்தொடர்பும் எம்முடைய பிறவித்தொடர்பும், இனையது - இத்தகையதாகும்:  வினைகள் பின்னாள் - தீவினைகள் (தாம் பயனளிக்க வேண்டிய) பின்னைநாளில், இடர் செய்த முறைமைதான்உம் இனையது - துன்பம் விளைத்த வகையும் இத்தகையது: வெகுளி காமத்து எய்திய இயல்பு நாடின் இனையது - சினம் காமம் முதலியவற்றால் அடைந்த இயல்பை ஆராயுமிடத்து இத்தகையதாகும்: இறைவனது அறத்தது பெருமை தான் உம் - இறைவனறத்தின் பெருமையும், இனையது - --, என்றான் - என்று அபயருசி கூறினான்.  (எ-று.) -

தமதுபிறவிமுதலியவற்றின் இயல்பைக்கூறினானென்க.

எமர் - எம்தமர்: உறவினர்.  தேவ, நரக கதியை யெய்திய அசோகனையும் சந்திரமதியையும் குறித்து எமர் எனவும், மயில் நாய் முதலிய பிறவியில்  எய்திய  தம்மை எம தென்றும் கூறினான்.  பலி முதலியவற்றாலாய