(இ - ள்.) மாலையசையத் தூமமணியைக் கறங்கப்பண்ணிமதுவைத் தெளித்துப் பீலியைச் சூட்டி அவன்பெயரைஎழுதி வேற்பூசலிடத்து ஆண்மைத்தன்மை மிகுதிபெறநின்ற போரை விரும்பினவனுக்கு இஃது உருவமாகவென்றுசொல்லிக் காட்சிபொருந்த நட்டார் கல்லினை எ-று .

(12)

252. கன்முறை பழிச்சல்

நிழலவி ரெழின்மணிப்பூட்
கழல்வெய்யோன் கல்வாழ்த்தின்று.

(இ - ள்.) நிழல்விடும் அழகிய மணிப்பூணினையும் வீரக்கழலையுமுடைய போர் விருப்பத்தோனுடைய கல்லினைஏத்தியது எ-று.

வ - று.¹அடும்புகழ் பாடி யழுதழுதுநோனா
திடும்பையுள் ³வைகி யிருந்த - கடும்பொடு
கைவண் குருசில் ²கற் கைதொழூஉச் செல்பாண
தெய்வமாய் நின்றான் றிசைக்கு.

(இ - ள்.) பகைவரைக்கொல்லும் கீர்த்தியைச்சொல்லிக் கலுழ்ந்து கலுழ்ந்து பொறாதே துன்பத்துள்ளேதங்கியிருந்த சுற்றத்தாரோடு கை வளப்பத்தினையுடையஉபகாரிதன் கல்லினைக்கைதொழுது போவாயாக ,பாணனே, கடவுளாய் நின்றான் திக்கு எட்டிற்கும் எ-று.

(13)

253. இற்கொண்டு புகுதல்

வேத்தமருள் விளிந்தோன்கல்லென
ஏத்தினர் துவன்றி யிற்கொண்டு புக்கன்று.

(இ - ள்.) வேந்தர் போரிடத்துப் பட்டவனுடைய கல்லென்று சொல்லி வழுத்தினராய்ச் செறிந்துகோயிலெடுத்துப் புக்கது எ-று .

வ - று.⁴வாட்புகா வூட்டி வடிமணிநின்றியம்பக்
கோட்புலி யன்ன குருசில்கல் - ஆட்கடிந்து
விற்கொண்ட வென்றி விறன்மறவ ரெல்லோரும்
இதற்கொண்டு புக்கா ரியைந்து.

(இ - ள்.) வாளுக்கு உணவுகொடுத்துத் தெளிந்தமணி நின்று இரட்ட, கோட்பாட்டையுடைய புலியையொத்த உபகாரி கல்லை , போராளைத்துரந்து சிலையாற் பெற்றவெற்றியினையுடைய திறல்வீரர் பலரும் கோயிலெடுத்துப்புக்கார் கூடி எ-று .

(14)

(சிறப்பிற் பொதுவியற்பால்)
(சூத்திரம் 11.)

1. தொல். புறத். சூ. 5, இளம். மேற். 2. புறநா. 306 : 4; பட்டினப். 78-9 ,குறிப்புரை. (பி.ம்.)3. 'வைகிற்றிருந்த'. 4. 'வாட்பலியூட்டி'