இது மூன்றன் எண்ணுமுறைமைக்கண் நின்ற வேற்றுமைக்கு உருபு ஆலும் ஆனும்
ஓடும் ஒடுவும் என்பனவாம் அதன் பொருள் கருவியும் கருத்தாவும் உடன் நிகழ்வும்.
ஆம் என்றவாறு.

மேல் ஆல் ஒன்றையும் இதற்கு உருபாகச் சொல்லி ஈண்டு உருபு நான்கு என்றல்
மலைவாம்பிற எனின், ஆண்டுப் பெயரும் முறையும் காட்டுதல் மாத்திரைக்கு
வழக்கிடத்தும் செய்யுள் இடத்தும் பயின்று வருவதனைச் சொன்னார்; ஈண்டு
அவ்வேற்றுமைக்கு வரும் உருபு எல்லாம் எடுத்து ஓதினார் ஆகலான் ஆகாது என்க.

இக்கடாவிடை இங்ஙனம் மேல் வருவனவற்றிற்கும் உய்த்து உரைக்க.