எட்டாவது: செய்யுளியல்

[செய்யுட்குறுப்பாவன இவையெனல்]

என்பது சூத்திரம்.

இவ்¹வோத்து என்ன ²பெயர்த்தோவெனின், செய்யுளியலென்னும் பெயர்த்து; செய்யுளிலக்கணம் உணர்த்தினமையான் அப்பெயர்த்தாயிற்று. எனவே, ஓத்து நுதலியதூஉஞ் செய்யுளிலக்கண முணர்த்துதலென்பது பெற்றாம்.

மேற்பாயிரத்துள்,

“வழக்குஞ் செய்யுளு மாயிரு முதலி
னெழுத்துஞ் சொல்லும் பொருளும்.”

(பாயிரம்)

³ஆராய்வலென்று புகுந்தமையால் ⁴எழுத்தினுஞ் சொல்லினும் வழக்கிற்குஞ் செய்யுட்கும் வேண்டுவன ⁵விராய்க்கூறிப்

1. ஓத்து--இயல்.

2. பெயர்த்து--பெயரையுடையது,

3. ஆராய்வல்--ஆராய்வேன்.

4. எழுத்தினுஞ் சொல்லினும்--எழுத்ததிகாரத்துஞ் சொல்லதிகாரத்தும்.

5. விராய்--கலந்து.