ஒன்பதாவது: மரபியல்

[மரபுபற்றி வரும் இளமைப் பெயர் இவை எனல்]

என்பது சூத்திரம். இவ்வோத்து என்ன பெயர்த்தோவெனின்,--மரபியலென்னும் பெயர்த்து. இதனானே ஓத்து நுதலியதூஉம் மரபு உணர்த்துதலென்பது பெற்றாம்.

மரபென்ற பொருண்மை என்னையெனின், ¹கிளவியாக்கத்து மரபென்று வரையறுத்து ஓதப்பட்டனவுஞ் ²செய்யுளியலுண் மரபென்று வரையறுத்து ஓதப்பட்டனவுமன்றி, இருதிணைப் பொருட்குணனாகிய இளமையும் ஆண்மையும் பெண்மையும்பற்றிய வரலாற்றுமுறைமையும், உயர்திணை ³நான்கு சாதியும்பற்றிய மரபும், அஃறிணைப் புல்லும் மரனும் பற்றிய மரபும், அவைபற்றிவரும் உலகியன்மரபும், நூன்மரபுமென இவையெல்லாம் மரபெனப்படுமென்பது.

மற்றுப் பொருள்களுள் இளமைபற்றி வரும் மரபு கூறினான் மூப்புப்பற்றி வரும் மரபு கூறானோவெனின்,--அது வரையறையின்மையிற் கூறானென்பது.

மற்று, மேலை ஓத்தினோடு இவ்வோத்திடை இயைபென்னையெனின்,--முன்னர் வழக்கிலக்கணங் கூறியதன்பின் செய்யுளிலக்

1. கிளவியாக்கத்து மரபு என்று வரையறுத்தோதப்பட்டன--“வினையிற் றோன்றும் பாலறி கிளவியும். பெயரிற் றோன்றும் பாலறி கிளவியும், மயங்கல் கூடா தம்மர பினவே” என்னுஞ் சூத்திரத்தானும், பிறசூத்திரங்களானும் மரபு வழுவாமற் காப்பன.

2. செய்யுளியலின் மரபென்று வரையறுத்தோதப்பட்டனவற்றை “பாட்டுரை நூலே” என்பதை முதலாகவுடைய 391-ம் சூத்திரத்தானும், “மரபேதானும் நாற்சொல்” என்னும் 392-ம் சூத்திரத்தானும், அதனுரையானு மறிந்துகொள்க.

3. நான்கு சாதி--நான்கு வருணம்.