(1) பிறங்குநீர் சடைக்கரந்தா னணியன்ன நின்னிறம் 
பசந்துநீ யினையையாய் ¹நீத்தலு நீப்பவோ

எ - து: ஆயிழாய்! தாம் எண்ணிய காரியங்களைப் பெறதலானுள்ள விருப்பத்தாலே அறத்தினைக் கைவிட்டு வெஞ்சுரத்தையிறந்து பிறங்குகின்ற நீரைச் சடையிலே மறைத்தவனை ஒத்த பொருளாக்கத்திலே பிரிந்தவர் அழகி னையுடைய நின்னிறம் பசந்து நீ இத்தன்மையையாக நின்னைக் கைவிடுதலுஞ் செய்வரோ? அங்ஙனஞ் செய்யார்க்காண். எ - று.

(2) இறைவனை ஒத்தபொருள் என்றார், பொருள் நின்றுழிநில்லாது பல ரிடத்துஞ் சென்றதேனும் ஒன்றானும் தனக்குக் கேடின்றி யிருத்தலின். 

அணி - அழகு.

 எ - து: வெந்த கரியினையுடைய பல வழியினையுடைத்தாய்க் கற்கள் காய்ந்த காட்டகத்தை வெருவுதல் வந்த வழியென்று கருதாராய் வடிவையுடைய ஏறாகிய ஊர்தியையுடையானை ஒத்த விழுப்பொருட்கு அகன்றவர் ⁴நக்கஒள்ளி தாகிய அணியினையுடைய நின்னுருவை இழந்து நீ ⁵இத்தன்மையையாக அப் பொருளையேநினைத்தலையுஞ் செய்வாரோ? அங்ஙனஞ் செய்யார் காண். எ - று.

⁶நக்கு என்னும் எச்சம் ஒள்ளிதாகிய என்னும் வினை கொண்டது. 

1. "தேறுநீர் சடைக்கரந்து’’ கலி. 1 : 2.

2. "அருவிதாழ்ந்த’’ (புறம். 198 : 9) என்னும் செய்யுளில் ‘ஆலமர் கடவுளன்னநின்’ என்றதற்கு ஆலின்கீழமர்ந்த முக்கட் செல்வனாகிய கடவுளையொப்ப என்றும் நிலைபெற் றிருப்பேனென் றிருக்கின்ற நின் னென்று ரைப்பினுமமையும்’ என்று எழுதியிருக்கும் பின்னுரையும் "வீதலறியா விழுப்பொருள்’’ (கலி. 86 : 21) என்பதற்கு எழுதியிருக்கும் உரையும் ஈண்டு அறிதற் பாலன.

3. (அ) "மலை வெம்பிய போக்கரு வெஞ்சுரம்’’ (கலி. 8 : 6) என்பதும் (ஆ) "மலைவெம்ப’’ (கலி. 13 : 5) என்பதும் (இ) அதன்குறிப்பும் ஒப்பு நோக்கற் பாலன.

(பிரதிபேதம்)¹நீக்கலு நீக்கலோ, ²ஒண்ணக்க வளையனநின், ³வெருவிழந்து, ⁴நமக்கு ஒள்ளிதாகிய வளையினையுடைய, ⁵இத்தன்மையாக, ⁶நக்கஎன்னும்.