மறித்தரும் பயமிழி என்றும் பாடம்.

தும்பி வினைவர்போல முற்றியுங் குறுகியும் ¹மறிதருமென்க. பூப்புலம்ப வேட்டட் போகியதும்பி தலைவி தனித்திருக்க முன்வரைந்துகொண்ட மனைவியிடத்தே வேட்கைசென்று போன தலைவனாகவும், அத்தும்பி வருத்தத்தை நிகழ்த்துவனவாய்த் தம்மிற் பகைத்த புலியையும் யானையையுந் தனக்குத் தேனைத் தரும் வேங்கைப்பூவாகக் கருதிச் சுழல்கின்றதன்மை ²நம்மேல் அன்பின்றி இருக்கவும் தனக்கு இன்பமுளதாகக் கருதிப் பகற்குறியும் ³இரவுக்குறியும் பெறுதற்கு ⁴மறுகுகின்ற தன்மையாகவும் உள்ளுறையுவமங்கொள்க. இது வினையுவமப்போலி.

“பின்முறை ⁵யாக்கிய” என்ற (1) சூத்திரத்து, ‘தொன்முறை மனைவி’ என்றதனால், தொன்முறை மனைவி யுண்மையும் உணர்க.

‘நயனாடி நட்பாக்கும் வினைவர்போல்’ என்ற ஏனையுவமம் உள்ளுறையுவமத்தைத்தருகின்ற கருப்பொருட்குச் சிறப்புக்கொடுத்துத் தானும் உள்ளுறையுவமம்போற் றிணையுணர்தலைத் தள்ளாது நின்றது.

எ - து: யான் தன்னைக் கூடுதற்கணுளதாகிய வேட்கையினாலே யான் பகற்குறியைத் தள்ளின நிலைமையை என்பிழைப்பாக மனத்தான் நோக்கி

1. தொல். கற். சூ. 31.

2. (அ) “ஏறிரங்...........யானாக” என்னும் பகுதி, வந்தவழி யெள்ளுத லென்பதற்கும், (தொல். கள. சூ. 20. இள:) (ஆ) இருவகைக்குறிபிழைப் பாகிய விடத்துத் தலைவிக்குரிய கிளவி நிகழ்ந்ததற்கும் (தொல். கள: சூ. 16. நச்.). (இ) “எறிரங்கிருளிடை” என்னும் பகுதி, இரங்குதலென்பது இசைப்பொருளில் வருதற்கும் (தொல், உரிச். சே. 62: நச். சூ. 60: தெய். சூ. 47: இ - வி. சூ. 286,) மேற்கோள்.

3. தலைவி, தன் நாணும் மடனும் நீங்கிய திறத்தைக் குறிப்பா னன்றிக் கூற்றாலும் அறிவித்தற்கு, “கூடுதல் வேட்கையாற் குறிபார்த்து..............................யானாக” என்பது மேற்கோள்: தொல். கள. சூ. 19. நச்.

4. குரல் - பூங்கொத்து: பெரும்பாண். 192. குறுந் 138. கார். 39. சிலப். 14: 87.

5. ஓர்த்தல் - கருதுதல்: முருகு. 96; முல்லை. 88, கேட்டலுமாம்; மலை. 23; புறம். 68 : 17, 157 : 12, 280 : 6; பு - வெ. வெட்சி. கொளு. 4.

(பிரதிபேதம்) ¹மறுத்தருமென்க, ²தம்மேல், ³இரவிற்குறியும், ⁴மறுகின்ற, ⁵ஆகிய, ⁶குறிப்பார்த்து.