திசைகாவல்கொளற்கொத்த என்றதனால் உலகைத் தாங்குதற்கு உரிய னென்றும் வலிமுன்பின் என்றதனான் மிக்க வலியினையுடையனென்றும் நனைகவுள் என்றதனாற் செல்வச்செருக்குடையனென்றும் வண்டூதுபுகர்முகம் என்றதனாற் பலர்க்கும் பயன்படுகின்றானென்றும் இருவகைச் சுற்றத்திற்கும் ஏற்றுக. இருவகைச்சுற்றமாவன: தலைவியுடைய தந்தைசுற்றமுந் தாய்சுற்றமுமாம். இருவகையாகிய களிற்றோடே புலிமயக்குற்ற என்றதனான் இருவகைச் சுற்றத்தாருடனே ஊரிலுள்ளார் தலைவியை அலர்கூறிப் பகைக்கின்றாரென உள்ளுறையுவமங்கொள்க. இது வினையுவமப்போலி.

எ - து: ²தாழிட்டு அடைத்தாற் போலுங் கடிய காவலையுடைய தாய் முன்னே நின்னுடைய மலைச்சாரலிலே ³முறைமையையுற்ற கோடல் உகுமாறு போலே ஒளியினையுடைய வளைகள் உகுவனவாய் இராநின்றன; இங்ஙனமாதற்கு, இடைவிடாது வீழ்கின்ற மழையையுடைய இராக்காலத்து நின்னுடைய குறியால் அழைக்கின்ற அழைப்பினைச் (4) செவிகருவியாக ஒர்த்ததனா லுண்டான மனவொடுக்கத்தாலே உயிர்வாழ்கின்ற நாள் மிக்கவளுடைய வருந்துகின்ற தோளிடத்து அவை நினக்குச்செய்த தப்பு உண்டோ ? இல்லையே; ⁴எ - று.

உகுப, அகரவீற்றுப்பலவறிசொல்;படுத்தலோசையாற் பெயராய்நின்றது(?)

துயங்குபிடி தழீஇய மதனழி யானை" அகம். 291 : 6 - 7, 398 : 22-3. (ஏ) "வரிவயம் பொருத வயக்களிறு போல, வின்னு மாறாது சினனே" புறம். 100 : 7 - 8. (ஐ) "புலிகலாங் கொள்யானைப் பூங்குன்ற நாட" பழ. 157. (ஒ) "புலியொடு பொரூஉம் புகர்முக வோதையும்" சிலப். 25 : 29. (ஓ) "நீடு பணைப்பகட் டுடனே,
வல்லி யம்பொரு மாறென" வில்லி. பதினாறாம். 39.

1. தலைவன் தன்வரவு அறிவிக்குங்குறி மயங்குதலால், அல்லகுறிப்பட்ட தோழி தலைவற்குப்பிற்றைஞான்று அதனைக்கூறியதற்கு "வீழ்பெயற் .........................உகுபவால்" என்பது மேற்கோள்; தொல். கள. சூ. 42. நச்.

2. ஓர்த்தல் இந்நூற்பக்கம் 282 : 5- ஆங் குறிப்புப் பார்க்க.

3. வளையுதிர்தற்குக் கோடற்பூ உதிர்தல் உவமையாதலை, கலி. 7-ஆம் பாட்டின் 15 - 6. அடிகளின் குறிப்பாலுணர்க.

4. "நொச்சிப் பாடோர்க்குஞ் செவி" என்பதன் விசேடவுரையில் ‘நொச்சிப்பூ விழுகின்ற ஓசையை......................கருதுஞ்செவி’ என்று உரை

(பிரதிபேதம்)¹கங்குலின், ² தாளிட்டு, ³ முறைமையுற்ற, ⁴ என்றாள்.