எ - து; ¹சுணங்கு அணிந்த அழகையுடைய முலையினையும் (1) பிறையின் றன்மையைக்கொண்ட நறிய நுதலினையும் நறிய மாலையினையுடைய மணம் நாறுகின்ற மழை விரும்புங் கரிய கூந்தலினையும் ²கூர்மையையுடைய அழகினையும் (2) நோக்கினார்கண் சென்று நுழைந்துபார்க்கும் நுண்மையாலே அவர்க்கு அறியாமையைக் கொடுக்கும் மருங்குலையும் வணங்குகின்ற இறையினையுடைய வளையணிந்த முன்கையினையுமுடைய ஒள்ளிய ³தித்தியாகிய வரி நிறைந்த வல்குலையுடையவளே; எ - று.

எ - து: இனிய நகையினையுடையாய்! நின்னைநோக்கித் தொழூஉம்; ⁵தொழுதபின், புனையிழாய்! என்னை நோக்கி, ⁶உலகத்திற்கண்ணுக்குநிறைந்த நலத்தினையுடைய மகளிரைக் கண்டவர்களுக்கு உண்ணின்ற காமநோய் மிகும்படி கடுக உயிர்போந் துயரைச் ⁷செய்தல் அவர்க்குப்பெண்டன்மையன்றெனக் கூறிக் (6) கண்ணும் உருகநின்று நடுங்கினான்; நடுங்கி இவனொருத்தன் தன்

1. ”சுடர்நுதல்” (கலி. 58:3.) என்பதற்கு எழுதிய வுரையும் நோக்குக.

2. ”நோக்கு நுழைகல்லா நுண்மைய” பொருந. 82.

3. ”கண்ணார் கண்ணி” பொருந. 148; சிறுபாண். 65.

4. ”என்செய்தான் கொல்லோ............................உடைந்து” எனத் தோழி கூறிய வழி, ‘தெருவின்கட் காரணமின்றிக் கலங்குவார்க்கண்டு’ எனவும் ‘அலர்முலை.....................(நாம் ‘ எனத் தோழி கூறியவழி) ‘பொன்செய்வாம்’எனவும் தலைவி உறழ்ந்து கூறினாளென்று கூறி 'இது தலைவன் வருத்தங்கூற அதனை யேற்றுக்கொள்ளாது உறழ்தலின் வழுவாய் நாண்மிகுதியாற் கடிதின் உடம்படாமையின் அமைந்தது' என்பர் நச். (தொல். பொருளி. சூ. 44.)

5. “இஃதொத்தன்” கலி.64:8; என்பதும் அதன் குறிப்பும் பார்க்க. அ) ”மெய்யுருகிக் கண்ணுருகி நெஞ்சுருகிக் காம வெயில் வெண்ணெய்ப் பாவைபோன் மெலிகின்றாரே. சீவக. 682. (ஆ) ”கண்புன லூருமென் காதல்” தஞ்சை. 395.

(பிரதிபேதம்)¹சுணங்கணிந்தழகிய முலை, ²கூரிய, ³துத்தியாகிய, ⁴கண்ணினீராக. ⁵தொழுதபின்னர் என்னைநோக்கி, ⁶உலகத்திற்குக் கண்ணுக்கு, ⁷செய்த வர்க்குப்பெண்.