எ - து: அம்மோதிரங்களுள் ²நறாம்பூவைக் கண்டாற்போன்ற சிவந்த விரலுக்குப் பொருந்தச் சுறவிலேற்றைக் குழித்த மோதிரத்தை இட்டவளுடைய கருத்தை அறிந்தேன்; காமன்கொடியாகியமகரத்தை மோதிரத்தே ³குழித்தாற் போல வேறொன்றிலே அழுத்தி அதனை எந்நாளும் அடங்காத பரத்தைமைக்குணத்தையுடைய இவன் றந்தைமார்பிலே பொறியாக ஒற்றி அடிமைக்கொண்டு ஆண்டுபோதுவேனென்று சொல்கின்ற வார்த்தை தன்னை எனக்கு அறிவித்தற்குச் செய்ததொரு தொழிலெனப் புலந்து அவனொடு கூறினாள். எ - று.

"கடல்வாழ் சுறவு மேறெனப்படுமே" என்றதனாற் (2) ⁴சுறவேறென்றார். பரத்தைமை பரத்தை யென ⁵நின்றது; "தன்வயி னுரிமையு மவன்வயிற் பரத்தையும்" (3) என்றார் ஆசிரியராகலின்.

அன்னையோ

எ - து: நீயும் அத்தன்மையையோ! எ - று.

புதல்வனாகிய நீயும் எம்மை இகழுந்தன்மையையோ ⁶என்றதாம். இது புதல்வனை நோக்கிக்கூறியது.
இஃதொன்று,

எ - து: இவ்விகழ்ச்சியும் நாமே செய்துகொண்டதொன்றென நெஞ்சொடு கூறினாள். எ - று.

1. (அ) "வில்லா னிடுகொடி யகலம்" (ஆ) "ஆடுகொடி யணிந்தவுய ரலங்கல்வரை மார்பன்"
சீவக. 2477, 2483.

2. தொல். மரபி. சூ. 40. பேர். 38. நச். இதனுரையில் சுறாவின் ஆண் ஏறெனப்படுதல் மரபென்பதற்கு, "சுறாவே றெழுதிய மோதிரந்தொட்டாள்"என்பது மேற்கோள்.

3. தொல். கள. சூ. 20.

4. "வெந்தபுண் வேலெறிந் தற்றால்" (கலி. 83 : 30) என்பதும் அதன் குறிப்பும் பார்க்க.

(பிரதிபேதம்) ¹அறியிய, ²நாாம்பூவை, ³குறித்தாற்போல, ⁴சுறாவேறென்றார், ⁵நிற்கும், ⁶என்றதாம் புதல்வனை நோக்கி இஃதொன்று. ⁷முந்தையனகண் டெழு.