இனி யான் பாராட்டும் பெரிய பாட்டுக்களோடு நின் தாய்மாருக்குப்பட்ட கூற்றையுடைய பாலைப்பருகு; இத்தையெல்லாம் நின்னை ¹ஊட்டல் அமைவேனென்று (1) கூறிட்டு ஊட்டினாள். எ - று.

தண்டுதல் அமைதலென்னும் பொருடருதல், (2) தண்டாமையென்னும் அதன் மறையால் உணர்க; "தண்டாக்காற் றளரியல்" (3) "தண்டாவிருப்பினள்" (4) எனவரும். ²ஞாயரென்றது தன்னைப் பிறர்போற் கூறிற்று.

(இதனால்) தலைவிக்குத்தலைவனைக்கண்டுபுதுமைபற்றி வியப்புத்தோன்றிற்று. தலைவற்கு ³நினைத்தல் பிறந்தது. புதல்வனால் தலைவிக்குச் செல்வமாகிய உவகை பிறந்தது; (5) புதல்வனுஞ் செல்வமாதலின்.

இது "தரவும் போக்கும் பாட்டிடைமிடைந்தும்" என (6) ⁴இடைநிலைப்பாட்டினை ஈற்றின் வைத்தமையால், (7) தரவும் போக்குமின்றி இடை நிலைப்பாட்டுக்களே ஐஞ்சீரடுக்கிவந்து கலிவெண்பாவிற் கூறிய உறுப்பொத்து யாப்புவேறுபட்டு வந்த கொச்சகம் . (20)

1. "பால்பெய் வள்ளஞ் சால்கை பற்றி, யென்பா டுண்டனை யாயி னொருகா, னுந்தை பாடு முண்ணென் றூட்ட" அகம். 219 : 5 - 7.

2.இவர் இவ்வாறாகப் பொருள், கொள்ளு முறைமையை, "எய்யாமையே யறியாமையே" (தொல். உரி. சூ. 44) என்பதற்கு இவர்கூறியிருக்கும் விசேடவுரையாலும்அறிக.

3. 4.

5. (அ) "தம்பொரு ளென்பதம் மக்கள்" குறள். 63. எனவும் (ஆ) "பொன்போற் புதல்வனொடு" ஐங். 265.
(இ) "பொன்போற் புதல்வர்ப் பெறாஅ தீரும்" புறம். 9 : 4. எனவும் வருதல்காண்க.

6. தொல். செய். சூ. 154.

7. தரவும் போக்குமின்றிக் கொச்சகம் பலதொடர்ந்து இற்றதற்கு, இச் செய்யுளை மேற்கோள்காட்டி உறழ் பொருட்டு அன்மையிற் கொச்சகக் கலியாயிற் றென்பர். பேராசிரியர் நச்சினார்க்கினியர், இருவரும்; தொல். செய். சூ. 155.

(பிரதிபேதம்)¹ஊட்டாமல்விடுவேனென்று, ²தாயென்றது தன்னைப்பிறள்போற்கூறினாள் இது தலைவிக்கு, ³நினைதல் பிறந்தது, ⁴இடைநிலைப்பாடனவை யீற்றீன்.