இதனுட் (1) ‘பாணன்றூதாடவந்த’ என்றதனான் அவன் கூட்டிய புதிய பரத்தையரென்பதூஉம் ‘அறத்தினிற்கொண்டகுதிரையோவன்று’ என்பதனால், காமக்கிழத்தி யன்றென்பதூஉம் அவன் பகுதியி னீங்கியதூஉம் மேனியில் வடுக்கள் நெஞ்சினைச் சுடுகின்றதூஉம் பரத்தையரைக் குதிரையாகக் கூறித் தான் அதற்குத் தக்குநின்றதூஉங் கூறியவாறுணர்க. “மரபுநிலை திரியா ¹மாட்சிய” (2) என்பதனால், தலைவி அங்ஙனங்கூறும்வழுஅமைத்தாம். இதனுள் மடன் அழிந்த ²வழுவமைதி, “தன்வயிற் கரத்தலு மவன்வயின் வேட்டலு, மன்ன விடங்க ளல்வழி யெல்லா, மடனொடு நிற்றல் கடனென மொழிப” (3) என்பதனுள் அமைத்தாம்.

இதனால், இருவர்க்கும் புணர்ச்சியுவகை பிறந்தது.

இது ³சொற்சீரடி பெற்று ஐந்சீரடுக்கிவந்தகலி வெண்பா. (31)

1. இந்நூற்பக்கம் 584 : 1 - ஆம் குறிப்புப் பார்க்க.

2. தொல். அகத், சூ, 45; இந்நூற்பக்கம் 577; 2-ஆம் குறிப்புப்பார்க்க,

3. தொல். பொருளி. சூ. 11. இச்சூத்திரத்தின் இவருரையில், “இவ்வீரிடத்தும் மடனழிதலுடையளென வழுவமைத்தார்; அது ‘குதிரைவழங்கி வருவல்’ என்று அவன் கரந்தவழி அதனை மெய்யெனக் கோடலன்றே மடமை; அங்ஙனங் கொள்ளாது ‘அறிந்தேன் குதிரைதான்’ எனப் பரத்தையர்கட் டங்கினாயெனக் கூறுதலின், இது மடனழிந்த வழுவமைதியாயிற்று” என்னுங் குறிப்புக் காணப்படுகின்றது.

(பிரதிபேதம்)¹மாட்சிமைய, ²வழுவலமைத்துத்தன், ³சொற்சீரடியும் பெற்று.