எ - து: ஏடீ! குறும்பிடத்தே பரந்திருக்கின்ற ஆட்டிடையர்க்கும் இப்பசு இன்னதனைக் குடம்பால் போதுமென்று சுட்டுதலையுடைய பசு விடையர்க்கு மாகக் கோவினத்தையுடைய நஞ்சுற்றத்தார் எம்முடைய கொல்லுகின்ற ஏற்றைத் தழுவுதலே காரியமென்று தொழுவிலே ஏறுகளைப்புகுதவிட்டார். எ - று.

எ - று: அத்தொழுவிடத்துச் சிலுவைக்குணத்தையுடைய செவிமறை யாயிருக்கின்ற ஏற்றைத் தழுவினவனுடைய சென்னியிற் கிடந்த குவிந்த (3) முல்லைப் பூவாற் கட்டின வளைவினை யுடைய கண்ணியைக் கொம்பிலே எடுத்துக்கொண்டு அலைத்த எழையாகிய பெரிய புகரேறு துள்ளுகையினாலே அப்பூ வந்து என்மயிருக்குள்ளே மிகவும் வீழ்ந்தது. எ - று.

ஏழையென்றாள் களவொழுக்கம் ¹வெளிப்படுதல் இறவாமற் கோட்டால் அலைத்தமைபற்றி.

எ - து: அக்கண்ணியை, கெடுத்ததொன்று மீண்டு பெற்றாரைப்போல எடுத்துக்கொண்டு யான்முடித்ததன்மையை யாய் கோட்டாளென்று சொல்லு வர்களோ? ஈதொரு வார்த்தையை எனக்கு விளங்கக் கூறுவாயென்றாள். எ - று.

²இஃதொன்று கூறு என்னுஞ்சொல்லைஎன்பவோ என்பதன் பின்னே கூட்டிப் பொருள்கூறுக.

1. "செவிமறை நேர்மின்னு நுண்பொறி வெள்ளை" கலி. 101 : 27.

2. (அ) "கோட்டங் கண்ணியுங் கொடுந் திரையாடையும்" புறம். 275: (ஆ) "கோட்டுப்பூச் சூடினும்" குறள். 1313.

3. "தேன்சொரி முல்லைக்கண்ணிச் செந்துவராடையாயர்" சீவக. 485.

4. (அ) "கெடுத்துப்படு நன்கல மெடுத்துக் கொண்டாங்கு" நற். 182 : 5. (ஆ) "பழந்தன மிழந்தன படைத்தவரை யொத்தாள்" கம்ப. உருக்காட்டு : 65. (இ) இழந்ததனம் பெற்றவர்போ லிராக்கதர்க ளிரைத் தீண்டி யிழந்ததங்கள், பழம்பதியிற் குடிபுகுந்து" இராமா. வரையெடுத்த. 55.

(பிரதிபேதம்)¹வெளிப்படுத்தல், ²இதுவொன்று.